اوکرایني چارواکي: د روسیې د راکټي حملو له کبله ۷ کسان وژل شوي
د اوکراین د کورنیو چارو وزیر ایهور کلیمینکو پرون په ټلګرام کې ویلي، په وژل شویو کې یوه ښځه او خاوند، د دوی یو نوزېږی ماشوم او یو ۱۲ کلن زوی شامل دي.
د ده په وینا، په خرسون کې د روسیې په راکټي حملو کې په ټوله کې ۷ ملکیان وژل شوي او ۲۰ نور ټپیان دي.
کییف پرون وویل چې د اوکراین په جنوب او ختیځ کې جګړې دوام لري.
بلخوا د اوکراین د لوی درستیز دفتر ویلي، د دوی پوځیانو د زاپوریژیا د روبوتینه په شاوخوا کې قسماً پرمختګونه کړي دي.
د ټولنیزو شبکو د ځینو مطالبو له مخې د اوکراین پوځیان د استوګنې یوې وړې ساحې ته داخل شوي دي.