د افغانستان او پاکستان کرکټ ملي لوبډلې دوهمه پنځوس اوره لوبه کوي
د افغانستان او پاکستان د کرکټ ملي لوبډلې نن د پنځوس اوریزو لوبو د روانې لوبلړۍ دویمه سیالي ترسره کوي.
لوبه د کابل په وخت د ماسپښین په دوو بجو د سریلانکا په مهندا راجاپاکسا لوبغالي کې ترسره کېږي.
افغان لوبډلې د دې لوبلړۍ لومړنۍ سیالي پاکستان ته بایللې ده.
د یو بل خبر له مخې د افغانستان د فوټبال د ۱۷ کلنو ځوانانو ملي لوبډلې ایران ته دوه د یو پر وړاندې ماتې ورکړه.
دغه سیالي چې پرون د مرکزي اسیا یا کافا اتلولیو په ترڅ کې ترسره شوه، افغانستان د لوبې په لومړۍ او دویمې نیمايي کې یو یو ګول ترسره کړ او په دې سره یې د ایران پیاوړې لوبډلې ته دوه د یو پر وړاندې ماتې ورکړه.