اوکراین: روسیې زموږ د ۸۴ سرتېرو مړي را وسپارل
اوکرایني چارواکو نن وویل چې روسیې د هغو ۸۴ اوکرایني سرتېرو مړي کییف ته وسپارل چې په جګړه کې وژل شوي.
د اوکراین د بیا مدغم کیدو د چارو وزارت ندي ویلي، چې د دغو سرتېرو مړي چېرته اوکرایني چارواکو ته سپارل شوي او دا یې هم ندي ویلي چې ایا د روسیې د پوځي پرسونل مړي هم مسکو ته سپارل شوي او کنه؟
د اګسټ په ۴ روسیې یوبل ته د وژل شویوسرتیرو د سپارلواعلان وکړ او ویې ویل، چې اوکراین د ۱۶۰ سرتیرو مړي ورسپارلي او اوکراین هم د ۴۴ مړو د ترلاسه کولو خبرورکړ.
د ورکو شویو کسانو د چارو لپاره د اوکراین کمیشنر اولی کوتینکو وویل،چې د جنیوا د کنوانیسیونو له مخې یوبل ته د نورو وژل شویو سرتیرو د مړو سپارل به دوام وکړي.