Новости за 06.08.2023

تېره شپه د کابل په ګډون د افغانستان ځینې ولایتونه زلزلې ولړزول.   دا زلزله چې د شپې په ۸ بجې او ۳۰ دقیقې وشوه، د تلفاتو په اړه یې تر اوسه راپورونه نه دي ورکړل شوي.   د امریکا د جیولوژۍ سروې ادارې ویلي، چې د تېرې شپې زلزله د رښتر په اندازه ۵.۸ درجې او مرکز یې هم د هندوکش د غرونو لړۍ وه.   د یادې ادارې په وینا، دا زلزله د افغانستان ترڅنګ په پاکستان، هند، تاجکستان او ازبکستان کې هم احساس شوې ده.  په افغانستان کې دا زلزله داسې مهال کېږي، چې ۵ ورځې مخکې (د زمري میاشتې په ۱۰مه) د ملګرو ملتونو د... Читать дальше...

یورایشیا: یورایشیا نیټ خپرونې د افغانستان او قزاقستان ترمنځ د ۲۰۰ میلیون ډالرو په ارزښت د قراردادونو پر لاسلیک کېدو لیکنه خپره کړې ده.   دا قراردادونه په پلازمېنه استانې کې د افغانستان او قزاقستان د درې ورځنۍ اقتصادي غونډې په لومړۍ ورځ د دوو خواوو خصوصي سیکتور په خپل منځ کې لاسلیک کړي دي.   په دې غونډه کې د دواړو هیوادونو ۳۰۰ چارواکو او د خصوصي سیکتور استازو ګډون کړی و.   خپرونه زیاتوي، کله چې طالبانو د ۲۰۲۱ په اګست کې واک ترلاسه کړ، د دغه هیواد شمالي ګاونډیان اندېښمن و.    قزاقستان په... Читать дальше...

په ملګرو ملتونو کې د امریکا دایمي استازې لینډا توماس ګرینفیلډ وايي، امریکا به پر طالبانو د بشري حقونو او ښځو د حقونو په خاطر فشارونو ته دوام ورکړي. اغلې ګرینفیلډ له امریکا غږ  سره په یوه مرکه کې چې پرون خپره شوې دا هم وویل چې امریکا د طالبانو حکومت په رسمیت نه دی پېژندلی او په ښکاره یې ویلي تر هغو به یې په رسمیت ونه پېژنې تر څو چې یې مستحق نه وي. لینډا ګرینفیلډ د دې پوښتنې په ځواب کې ایا امریکا د دې لپاره چې طالبان وهڅوي څو د اقلیتونو او ښځو حقونه رعایت کړي کومه بدیله لار لري که څنګه؟ وویل: ... Читать дальше...

د طالبانو د حکومت د خوړو او درملو ادارې مسوولینو ویلي، چې تېر یوه کال کې یې د څه باندې ۶۵ میلیاره افغانیو په ارزښت درمل او روغتیايي محصولات افغانستان ته وارد شوي. د دې ادارې رییس عبدالباري عمر پرون ملت ته د حساب ورکونې د پروګرام په لړ کې ادعا وکړه، چې د طالبانو د حکومت په ټینګښت د ناقانونه وارداتو مخه تر ډېره نیول شوې ده. هغه ویلي، چې تر طالبانو مخکې ۹۰ فیصده درمل په ناقانونه توګه واردېدل خو اوس دا فیصدي دېرشو ته راښکته شوې. ډاکتر عمر دا هم وویل چې دوی څلور نیم زره درملتونونه تېر یوه کال کې... Читать дальше...

د امریکا متحده ایالاتو، چین او هند په ګډون د ۴۰ هېوادونو لوړ پوړو چارواکو د شنبې په ورځ ( د اګسټ ۵ مه) په سعودي عربستان کې خبرې اترې پیل کړې. کییف او متحدین یې هیله لري، چې دا خبرې به په اوکراین کې د روسیې د جګړې د پای ته رسولو لپاره د مهمو اصولو په اړه یوې موافقې ته لار هواره کړي. د رویټرز په وینا، دا دوه ورځنۍ غونډه د اوکراین د ډیپلوماتیکو هڅو یوه برخه ده چې له غربي هېوادونو ور هاخوا هم د نړۍ د نورو هېوادونو ملاتړ جلب کړي. د اوکرایین استازي وویل چې خبرې به "سختې" وي. خو دا لا څرګنده نه... Читать дальше...

په کابل کې د واکمنو طالبانو او اسلام اباد اړیکې ځینو کتونکو ته له لوړو ژورو ډک ښکارې، یوشمیر بیا په دې نظر دي چې دا روابط ډېر ژور دي، دواړه لورې ظاهري اختلافات لري.  د پاکستان د بهرنیو چارو وزیر بلاول بوټو زرداري د اګسټ په لومړۍ نیټه خبرداری ورکړ که د افغانستان له خاورې پاکستان ته د ترهګرو د داخلیدو مخه ونه نیول شوه، نو پاکستان بیا دا حق لري چې په ترورېستانو پسې افغانستان ته ورشي.  د دې په ځواب کې د طالبانو ویاند ذبیح اله مجاهد وویل، که اسلام اباد څه اندېښنه لري له موږ سره دې مخامخ شریکه کړي. Читать дальше...

د طالبانو د حکومت د کډوالو او راستنیدونکو چارو وزارت وايي، چې د اسد له ۷ څخه تر ۱۲ مې نیټې پورې شاوخوا زر تنه افغان کډوال له پاکستان څخه خپل هېواد ته راستانه شوي دي. دغه وزارت د شنبې په ورځ (اګسټ ۵) په خپل ټویټر کې لیکلي: د هغو ۹۴۶ افغان کډوالو له ډلې چې د سپین بولدک له لارې له پاکستان څخه افغانستان ته داخل شوي ، ۹۲۱ یې په خپله خوښه او ۲۵ نور له بنده خوشې شوي دي. د طالبانو د کډوالو او راستنیدونکو چارو وزارت په داسې حال کې د افغان کډوالو د راستنیدو خبر ورکوي چې د نړیوالو بنسټونو او موسسو په وینا... Читать дальше...

دوه ایراني خبریالان چې د ښځو د نړیوال جام د خبري پوښښ لپاره اسټرالیا ته تللي وو، خپل هېواد ته د ستنیدو اراده نه لري او د پناه غوښتنه یې کړې. د ایران ورځپاڼې ورزشي مسوول سعید زاهدیان او د دې ورځپاڼې عکاس نعیم احمدي رسنیو سره په مرکه کې ایران ته د نه ستنېدو یادوونه کړې. خو د ایران د خبریالانو کلب لیکلي،چې دا خبریالان په رسمي توګه نه وو استول شوي؛ بلکې سفر یې شخصي وو. په ایران کې د تېر سپټمبر د مظاهرو له پیل راهیسې چې علت یې د پولیسو په قید کې د ۲۲ کلنې مهسا امیني وژل کېدل وو ګڼو ایراني ورزشکارانو،... Читать дальше...

د عمران خان تر نېول کېدو وروسته تحریک انصاف ګوند په پاکستان کې د لاریونونو اعلان کړی دی. د دغه ګوند مرستیال شاه محمود قریشي په خلکو غږ کړی چې احتجاج ته راووځي. هغه ویلي، چې عمران خان د پاکستان د راتلونکې لپاره مبارزه کوي او په دې لار کې باید یواځې پرېنښودل شي. د راپورونو له مخې، د پاکستان په ځینو ښارونو کې د شنبې په ورځ ناوخته خلک لاریونو ته وتلي خو دولتي رسنۍ دا لاریونونه خلکو ته نه ورښيي. تحریک انصاف ګوند هغه قاضي په بې انصافۍ اؤ تعصب تورن کړی چې عمران خان ته یې د درېیو کلونو بند او یو لک روپیو جرمانې سزا اورولې ده. Читать дальше...

په برېټانیا کې چې وارد مخه د کورونو کمښت وو، نویو افغان کډوالو ته په اسانۍ کورونه نه پيدا کېږي. یو شمېر افغانان په میاشتو- میاشتو په هوټلونو کې پاتې دي او لا یې د دایمي هستوګنې او کورونو غمه نه ده خوړل شوې. د راپورونو له مخې، له هغو ۲۱ زره کسانو چې برېټانیا تر دې دمه له افغانستانه ایستلي نږدې ۸۸۰۰ تنه یې لا هم په هوټلونو کې اوسیږي. له دې ډلې یو هم عبدالحق فکري دی. هغه له ازادي راډيو سره په خبرو کې وویل چې د کور ژمنه ورسره شوې خو لا هم دی او کورنۍ یې په هوټل کې مېشت دي. فکري وویل: "یو کال... Читать дальше...