Новости за 08.08.2023

د امریکا د بهرنیو چارو وزارت د معاونیت سرپرستې ویکتوریا نولاند د نایجر له پوځي مشرانو سره کتلي دي. د فرانس پریس خبري اژانس د راپور له مخې نولاند د اګست په اومه د نایجر په مرکز نیامي کې د دغه هېواد له پوځي مشرانو سره دوه ساعته ملاقات کړی دی. نولاند له نیامي د راونېدو پر مهال ویلي، خبرې ډېرې ښکاره او په خبره یې سخت وخت کې ترسره شوي دي. په نیامي کې له پوځي مشرانو سره لیده کاته، د کودتا له مشرانو سره د امریکا لومړنی تماس بلل کېږي. د امریکا متحده ایالتونه هڅه کوي چې په نایجر کې د اساسي قانون نظم ټینګ شي. Читать дальше...

اسټرالیا تر دې دمه د ۵۴ زرو افغانانو د ویزو غوښتنلیکونه رد کړي دي. د راپورونو له مخې نږدې دوو لکو افغانانو د طالبانو له بیا واکمنېدو راهیسې د اسټرالیا د ویزو لپاره غوښتنلیکونه سپارلي دي. اسټرالیايي رسنیو له هغې ډلې 'ایس بي ایس' راپور ورکړی چې یوه ډله افغان فعالان په اسټرالیا کې دننه پر حکومت فشار راوړي چې رد شوې ویزې ومني. د راپور له مخې د طالبانو له بیا واکمنېدو راهیسې اسټرالیا یواځې ۱۲ زرو افغانانو ته ویزې ورکړي. په اسټرالیا کې دننه افغان فعالان او د اسټرالیا د پوځ پخواني افغان همکاران... Читать дальше...

د طالبانو حکومت خبر ورکړی چې د هرات د غوریانو د اوسپنې کان او د غور د تولک د سربو کان د کیندلو تړونونه یې له ځينو شرکتونو سره لاسلیک کړي. د طالبانو د ریاست الوزرا اقتصادي معاونیت په یوه بیان کې لیکلي چې د هرات د غوریانو د اوسپنې کان څلور بلاکونه یې څلورو بېلابېلو شرکتونو سره چې بهرني ونډه‌وال هم لري په داوطلبۍ کې په قرارداد ورکړي. د بیان له مخې لسګونو شرکتونو په دې داوطلبۍ کې برخه اخیستې وه. همداراز د غور د سربو یو کان هم افغان انوېسټ په نوم یو شرکت ته ورکړل شوی دی چې ډېره برخه به یې په کور... Читать дальше...

د اروپا د پارلمان غړي ټاییس رویټن نیوکه کړې چې اروپايي هېوادونو ټول هغه زیانګالي افغانان نه دي راایستلي چې د اروپايي ټولنې او نورو ماموریتونو لپاره یې خدمت کړی دی. رویټن دا خبرې پرون د اروپا د پارلمان یوې ناستې ته کړي. هغه خپلې خبرې په ایکس شبکې / پخواني ټوېټر کې خپرې کړي دي. رویټن ویلي، له دغو ځینو زیانګالو افغانانو چې اروپايي ټولنې سره یې کار کړی ان ځینې وژل شوي هم دي. هغه ټینګار کړی چې د اروپايي ټولنې اړوند دفترونه او هېوادونه باید د زیانګالو افغانانو د راایستلو په برخه کې پوره سپيناوی ورکړي. Читать дальше...

د پاکستان د بلوچستان ایالت تربت سیمه کې یوې بمي چاودنې لږ تر لږه اوه کسان وژلي دي. د پاکستاني رسنیو د راپورونو له مخې دوشنبه ناوخته د سړک غاړې بمي چاودنه په یوه موټر باندې شوې. د تربت د پولیسو مشر محمد بلوچ امریکا غږ ته ویلي چې وژل شوي کسان په خپل موټر کې یوه واده ته روان وو. پولیس وایي چې وژل شوي ټول ملکیان وو. په وژل شویو کې د یوې سیمه ییزې اتحادیې مشر هم شامل دی. د دغه برید پړه لا چا په غاړه نه ده اخیستې، خو په بلوچستان کې اکثر د دغو بریدونو پړه پر بلوڅ بېلتون پالو اچول کېږي.

بېلاروس د دوشنبې په ورځ له پولنډ او لېتوانیا سره خپلې پولې ته نږدې پوځي تمرینات پیل کړل. د بېلاروس او د ناټو د دوو غړو تر منځ کړکېچ وروسته له هغه زیات شو چې د جون په میاشت کې په روسیه کې د لنډي بغاوت وروسته د مسکو پورې تړلې واګنر ګروپ اجیرې ملېشې بېلاروس ته ولېږدول شوې. پولنډ او لېتوانیا دواړو په خپلو پولو کې امنیتي تدابیر وروسته له هغه زیات کړل چې د بېلاروس په منځګړیتوب د یوې معاملې له مخې زرګونه واګنر جنګیالي دغه هېواد ته ورسېدل. د ویلو ده چې بېلاروس د اوکراین په جګړه کې د مسکو ملاتړ کوي.

د نجونو د فوټبال د نړیوال جام په دوام به نن د کلمبیا او جامایکا او فرانسې او مراکش لوبډلې سره مخامخ شي. په پرونیو لوبو کې اسټرالیا دوه - صفر دنمارک ته او انګلستان په پنالټي ضربو سره څلور-دوه نایجریا ته ماتې ورکړه. د نجونو د فوټبال نړیوال جام د ۳۲ لوبډلو په ګډون د جولای په شلمه پيل شوی دی. تراوسه ۱۶ لوبډلې د دغو لوبو حذفي پړاو ته تللي دي. اسټرالیا او نیوزیلنډ په ګډه د دغه جام کوربه‌توب کوي. د جام پایلوبه به د اګست په شلمه ترسره شي.

د اوکراین حکومت وايي چې د سعودي عربستان په وروستۍ غونډه کې د کییف له وړاندیز پرته په اوکراین کې د سولې په اړه په بل کوم وړاندیز بحث نه دی شوی. د اوکراین د ولسمشر دفتر وايي، په جده کې په وروستیو خبرو کې په دغه هېواد کې د سولې لپاره د کییف له وړاندیز پرته پر بل هېڅ وړاندیز بحث نه دی شوی او ګډونوالو هوکړه کړې چې په راتلونکو شپږو اونیو کې به بله غونډه کوي. د ولسمشر زیلینسکي د دفتر مشر اندري یرمک وویل: "موږ به د یوې میاشتې یا یوې نیمې میاشتې په موده کې بله غونډه ولرو او د یوې سرمشریزې په لور به حرکت... Читать дальше...

د پاکستان د پوځ لوی درستیز یو وار بیا اندېښنه ښودلې چې په افغان خاوره کې ترهګرو ځاله کړې او د سیمې امنیت یې خرابه کړی دی. جنرال سید عاصم منیر اندېښنمن دی چې په پاکستان کې د افغان اتباعو له‌خوا بریدونه د سیمې امنیت او سوله زیانمنوي. د منیر په حواله راغلي: "په پاکستان کې په ترهګریزو پېښو کې د افغانانو لاس لرل د سیمې سولې، ثبات ته زیان رسوي او د موقت افغان حکومت له خوا د دوحې د سولې له تړون څخه انحراف دی." هغه دا څرګندونې د دوشنبې په ورځ په پېښور کې یوې غونډې ته کړي. جنرال منیر چې د پېښور بالاحصار... Читать дальше...

د جوریست ( Jurist) په نوم انلاین خپرونې په برېتانیا کې د هغو افغانانو د بې کوره کېدو ستونزې ته کتنه کړې، چې بریتانیا د طالبانو له بیا واکمنۍ وروسته له افغانستانه تخلیه کړي دي.  مقاله لیکونکي نه دي ویلي، چې څه شمېر افغانان برېتانیا کې د بې کوره کېدو له ستونزې سره مخامخ دي، خو د یوې حکومتي ارزونې له مخې یې لیکلي، په هرو پنځو افغانانو کې چې په هوټلونو کې اوسیږي، یو هغه یې د هستوګنې لپاره ځای نه لري.  په لیکنه کې راغلي، د برېتانیا حکومت له هوټلونو د دغو افغانانو اېستل پيل کړي او دې کار پر هغو محلي... Читать дальше...