افغان تکواندوکاره ذکيه خدادادي د اروپا اتله شوه. په فرانسه کې مېشته دا افغان لوبغاړې د پاراتکواندو یا معلولو تکواندوکارانو په نړیوالو لوبو کې د اوکرایین او ترکیې لوبغاړې ماتې کړې او د سرو زرو مډال یې وګاټه. ذکیه خدادادي په ۴۷کیلو وزن کې اتلولي ته ورسېده. د اروپا د معلولینو په اتلولیزو سیالیو کې یو نیم زر لوبغاړو د ۵۵ هېوادونو په استازیتوب په لسو ورزشي رشتو کې برخه اخیستې. دا لوبې د اګست له اتمې د هالند په روتردام کې پیل شوي او تر ۲۰به دوام کوي.
پر افغانستان د طالبانو د واکمنۍ دوه کاله پوره شول. طالبان د ۲۰۲۱ کال د اګست په ۱۵مه کابل ته ننوتل او جمهوري نظام، چې د ۲۰۰۱ په وروستیو کې د طالبانو د رژیم له پرځېدو وروسته رامنځته شوی و، وپرځېد. د طالبانو حکومت که څه هم د سیمې او نړۍ له ځینو هېوادونو سره راشه درشه لري خو د نړۍ هېڅ یوه هېواد په دې دوو کلونو کې د دوی حکومت په رسمیت نه دی پېژندلی. د طالبانو په بیا واکمنېدو سره د افغانستان ناسم اقتصادي شرایط لا پسې کړکېچن شول او د ملګرو ملتونو د راپورونو په اساس د لوږو او اړمنو خلکو شمېر څه باندې ۲۹میلیونو ته ورسېد. Читать дальше...
د چين بهرنيوو چارو وزارت وايي په پاکستان کې یې خپل سفارت ته د خطرونو په وړاندې د بيداره اوسېدو او له پاکستانه د خپلو وګړو خونديتوب غوښتی دی. د چين بهرنيوو چارو وزارت وياند وانګ وېنبین د اګست پر ۱۴مه په بيجينګ کې په يوه خبري غونډه کې وويل چې په پاکستان کې یې خپل سفارت او قونصلګريوو ته ويلي چې ځمکنيو حالاتو ته پام وکړي او له هر قسمه خطر څخه ځانونه خوندي وساتي. نوموړي زياته کړه چې له پاکستانه یې غوښتي دي چې پر چينايانو د بریدونو پلانونکي دې ونیسي. وېنبین تایید کړه چې د اګست پر ۱۳مه وسله والو د بلوچستان... Читать дальше...
خبریال وحیدالرحمان افغانمل تېر ماښام په کندهار کې طالبانو خوشي کړ، خو د دوو نورو خبریالانو؛ عطالله عمر او شمس الله عمري برخلیک څرګند نه دی. دوی د یکشنبې په ورځ په کندهار کې ونیول شول. د افغانستان د خبریالانو مرکز پرون وویل چې په تېرو دوو کلونو کې ۱۷۶ افغان خبریالان نیول شوي دي. د طالبانو له واک ته رسېدو وروسته پر رسنیو او خبریالانو فشارونه زیات شوي او په ځلونو خبریالان نیول شوي دي. د بې پولې خبریالانو د کمېټې پر اساس د طالبانو له واک ته رسېدو وروسته تر نیمايي ډېرو رسنیو فعالیت درولی دی.
دیپلوماټ خپرونې د طالبانو د اوسنۍ واکمنې د دویم کال د پوره کېدو په مناسبت په یوه مقاله کې د طالبانو د حکومت لوړو ژورو ته کتنه کړې ده. مقاله په دې پیلیږي، چې طالبان اوس په افغانستان کې ځای پر ځای شوي. د لیکوال په باور، له کافي کورني یا بهرني ملاتړه برخمن هېڅ کومه سیاسي یا وسله واله مخالفه ډله نشته چې طالبان دې نسکور کړي. د ۲۰۲۱ کال د اګست په ۱۵ پلازمینې کابل ته د طالبانو په ننوتلو سره د جمهوریت وروستۍ پایې هم ړنګې شوې او طالبان بلآخره بیا واک ته ورسېدل. په هماغه اګست کې بیا له افغانستانه د... Читать дальше...
د ملګرو ملتونو متخصصانو د طالبانو د واک ته رسېدو د دوو کالو د پوره کېدو په مناسبت په افغانستان کې د بشري حقونو د وضعیت په اړه پرون یوه اعلامیه خپره کړه. د ملګرو ملتونو متخصصان وايي، طالبانو د خپل واک په تېرو دوو کلونو کې د بشري حقونو سرغړونو، د ښځو خلاف محدودیتونو او شدید تبعیض ته دوام ورکړی دی. دوی په یوه اعلامیه کې خبرداری ورکړی چې د طالبانو له لوري تر واک وړاندې ژمنو او واقعیت ترمنځ ډېر توپیر شته او هغه تصویر ناسم ثابتوي چې ګومان کېده طالبان اصلاح شوي او بدل شوي دي. دا اعلامیه د افغانستان... Читать дальше...
له نن څخه دوه کاله مخکې د ۲۰۲۱ د اګست په پنځلسمه طالب ځواکونه کابل ته ننوتل او جمهوري نظام، چې د ۲۰۰۱ په وروستیو کې د طالبانو د رژیم له پرځېدو وروسته رامنځته شوی و، وپرځېد. په تېرو دوو کلونو کې د اکثرو افغانانو، په تېره بیا د ښځو ژوند خورا بدل شوی دی. د کابل د سقوط د دویمې کالیزې په درشل کې څلورو افغانانو فرانس پرېس خبري اژانس ته ویلي چې دې پېښې یعنې د طالبانو بیا واکمنېدو د دوی ژوند څرنګه اغېزمن کړی دی. په دې راپور کې له یوې سوداګرې، یوه کروندګر، یوه پخواني طالب جنګیالي او د طب له یوې محصلې سره چې زده کړې یې پرې ایښي دي، خبرې شوي دي. Читать дальше...
د بریتانیا د خبریالانو ملي اتحادیه وايي چې د طالبانو له لوري د ژورنالیستانو خلاف اقداماتو په افغانستان کې مطبوعات او د بیان ازادي اغېزمنه کړې ده. دې اتحادیې پرون دوشنبې په افغانستان کې د خبریالانو او رسنیو د وضعیت په اړه په یوه اعلامیه کې وویل چې په تېرو دوو کلونو کې چې طالبان پر افغانستان واکمن دي، پر خبریالانو محدودیتونه زیات شوي او اکثره ښځینه خبریالانې د خپل مسلک پرېښودو ته مجبوره شوې دي. تر دې مخکې د بې پولې خبریالانو کمېټې ویلي وو چې په افغانستان کې په سلو کې ۸۰ ښځینه خبریالانو دندې له لاسه ورکړي دي.
د طالبانو د حکومت د امربالمعروف او نهی عن المنکر وزارت وايي، په تېر یوه کال کې له طالبانو څخه ۱۱ زره شکایتونه شوي دي. د دغه وزارت ویندوی پرون دوشنبې ملت ته د خپلو اجرااتو د حساب ورکولو په ترڅ کې وویل چې له دغو یوولس زره شکایتونو څخه تراوسه پورې د ۸ زره شکایتونو په اړه څېړنې شوي دي. ده د شکایتونود څرنګوالي په اړه ډېر جزییات څرګند نه کړل. د طالبانو د حکومت بېلابېل وزارتونه له یوې مودې راهیسې د خپلو کلنیو اقداماتو او اجرااتو په اړه توضحات ورکوي.
د جرمني د اقتصادي همکارۍ او پراختیا فدرالي وزارت وايي چې د سږ کال تر جولای میاشتې پورې یې له افغانستان څخه له خپلو ۱۵ زره افغان کارکوونکو او د هغو د کورنیو له غړیو څخه نږدې ۱۱ زره ۶۰۰ تنه جرمني ته لېږدولي دي. د دغه وزارت ویندوی پرون دوشنبه وویل چې په پاتې ۳ زره ۴۰۰ کسانو کې شاوخوا ۱۴۹ تنه د افغانستان په ګاونډیو هېوادونو کې د ټرانزیټ په حال کې دي. تر دې مخکې په جون میاشت کې د جرمني د کورنیو چارو وزیرې ننسي فیزر د خپل هېواد پارلمان ته ویلي وو چې د ۲۰۲۲ له جنورۍ څخه یې نږدې ۲۰ زره افغانان، چې په... Читать дальше...
'ایم ټي ایم' مخابراتي شرکت وايي چې د روان کال تر پایه په افغانستان کې خپله شبکه پلوري. فیننشل مېل ورځپاڼې پرون دوشنبه راپور ورکړ چې 'ایم ټي ایم' ګروپ ویلي چې په کابل کې د طالبانو حکومت ورسره موافقه کړې چې په افغانستان کې خپله شبکه وپلوري. دا شبکه هیله لري چې د روان ۲۰۲۳ تر پایه په افغانستان کې خپل کاروبار پای ته ورسوي. ایم ټي ایم، چې د منځني ختیځ په هېوادونو کې فعالیت کوي، تر دې وړاندې په یمن او سوریه کې هم خپلې شبکې پلورلې وې او اوس یوازې په ایران کې لا هم فعالیت ته دوام ورکوي. 'ایم ټي ایم'... Читать дальше...
د روسیې د ولسمشر ولادیمیر پوتین اقتصادي سلاکار د خپل هېواد پر مرکزي بانک له دې کبله انتقاد وکړ چې د روبل ارزښت پر لهپسې د ډالر پر وړاندې لوېږي. پرون دوشنبې سل روسي روبله په یو امریکايي ډالر تبادله شول. د یوتین د اقتصادي سلاکار ماکسین اورشکین په وینا، په تېر یو کال کې د روبل ارزښت ۳۰ سلنه ټیټ شوی او د دې علت د مرکزي بانک پولي پالیسي ده. ده د روسیې د مالي چارواکو ترمنځ زیاتېدونکی اختلاف د روبل د ارزښت د کمېدو بل دلیل وباله. په ۲۰۲۲ کې پر اوکراین د روسیې له یرغله را په دې خوا د ډالر په وړاندې د روبل ارزښت پر لهپسې په ټیټېدو دی.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости